Ye Duniya

Zindagi bita di dusro k aansu poch-poch kar ,
Na mila ek bhi kandha sar rakh kar rone ko ,          
 Aur duniya keh gayi......
Kisi ka sahara na milne ka dard.....
         Tujhe pata hi kya hai.....?

Le liye dusro ke ghamo ke baadal apne sar par ,
Na padne di apne ghamo ki chhaya bhi ,
Aur duniya keh gyi.......
Gham kise kehte hai.....
         Tujhe pata hi kya hai.....?

Roti rahi akele me tadap-tadap kar ,
Achanak muskura deti kisi k aane pe ,
Aur duniya keh gayi.......
Jhuti muskurahat ka dard.....
         Tujhe pata hi kya hai.....?

Ladti rahi dusro ke liye ,
Na ki kabhi apni sifarish ,
Aur duniya keh gayi.....
Kisi ke haq ke liye ladna.....
         Tujhe pata hikya hai......?

Pucha khuda se maine kis mitti se banaya hai mujhe....?
Nafrat kese karte hai ye sikhna hi bhul gaya....!
Fir duniya keh gayi.....
Niswaarth pyar kise kehte hai.....
           Tujhe pata hi kya hai....?

Badalti rahi apni muraade ,
Dusro ki zaroorato ke mutabik ,
Aur duniya keh gayi......
Kisi ke liye dua kese karte hai....
            Tujhe pata hi kya hai....?

Agar maangna hota kuch apne liye ,
To maangti  ek hi dua baar-baar ,
Aur duniya keh gayi.....
Zarurat kise kehte hai.....
            Tujhe pta hi kya hai.....?

Doob gayi me dusro ke ghamo me itna ,
Ke bhula bethi me apni khushiyo ko ,
Aur duniya keh gayi ,
Tyaag kise kehte hai.....
             Tujhe pata hai kya hai.....?

Mere dil ke to pehle hi hazar tukde the ,
Fir bhi jodti rahi dusro k dilo ko ,
Aur fir dunia keh gayi....
dil tutne ka dard....
             Tujhe pata hi kya hai.....?

Janti thi tanhai ka dard ,
Isiliye na rehne dia kisi ko akela maine ,
Aur duniya keh gayi....
Akelapan kise kehte hai.....
             Tujhe pata hi kya hai.....?

Bata gaye mere khoon ke ashqo ko vo paani ,
na bheegne di jinki palke mene kabhi ,
Aur duniya keh gayi....
dil ka sisak-sisak kar rona.....
              Tujhe pata hi kya hai.......?

Samjhe sabke jazbaat puri gehrai se ,
 Na jaane diya us gehrayi  ke aas-pass bhi ,
Aur duniya keh gayi.....
jazbaato pe chot lagna.....
               Tujhe pata hi kya hai.....?

Pal-pal tadapta hai dil...har din roti hai aankhe ,
Dhokhe k alawa na mila kuch badle me ,
Aur duniya keh gayi....
sangharsh kise kehte hai.....
              Tujhe pata hi kya hai....?

Zarurat thi apno ki jab ,
dekh kar andekha kar gaye log ,
Aur duniya keh gayi....
Nazarandaaz hona kise kehte hai.....
             Tujhe pata hi kya hai.....?

Diya unka bhi sath ,
Jo the meri barbadi me shaamil ,
Aur duniya keh gayi....
Logo ki samajh....
             Tujhe pata hi kya hai....?